十二味 (和富)

營業中

休息中

今日見收完工行開香港區呢一頭，咁就同朋友一齊試一試酸菜魚， 因為其實自己都好耐冇返過大陸啦， 都有少少懷念酸菜魚嘅味道。蔥油拌麵: 呢個蔥油拌麵蔥味幾香， 我覺得佢整得都唔算太油。 而且成個麵食落去都幾有彈力， 雖然成個麵係簡單樸實，侵實而不華，我自己就係鍾意食呢隻麵。 好食過嗰啲係超級市場買緊嗰D蔥油麵。 鍾意蔥油面嘅朋友可以一試。酸菜魚: 呢一條酸菜魚我覺得一上碟嘅時候 ，睇落都好似幾多料，例如有我最鍾意食嘅酸菜同有一D菇， 因為我嗌咗少辣，所以啲酸菜都唔算太辣，魚亦非常嫩滑食到魚肉中有魚味， 魚亦切得適中， 魚肉滑易入口 ，酸菜湯易唔算太咸， 建議叫個飯餸條魚嚟食， 最後我食埋個飯，飲左成半碗湯。 因為本人真係好鍾意食酸菜魚。最後如果大家行開呢頭，可以試下呢一間，因為我覺得佢整嘅酸菜魚都唔錯。 同埋佢最近都有做緊一啲promotion，大家可以睇下啲promotion啱唔啱自己。