串酒里 (已結業)

我對個鋪名好有興趣，問店員係咪因為間餐廳係巷仔度，有串燒食酒飲所以叫「串酒里」，店員話我講中左，唔知如果佢唔鍾意我的話，會唔會「串走我」呢一入到去，鋪頭偏細，不過有一陣熟悉的舒服感，似係係日本嘅居酒屋俾你吹下水舒解同發洩下唔開心嘅好地方。間野最吸引我嘅係佢地獨家係度賣嘅酒，同埋呢度嘅佈置，感覺上講句錯口都名正言順過人 😂，你地望下貼係酒樽上嘅sticker, 笑死丫!燒蠔拼盤 - 一共9隻，9款唔同味，我最鍾意冬陰功味，未試過，好特別又好夾，蠔身又唔乾，剛剛熟，其他味仲有蒜蓉，蒜蓉黑松露，芝士，蛋汁，mayo，刴椒 etc. 咩味都有。每款燒物都係即叫即燒，全部都火喉岩岩好，唔會過份燒得好耐令到d肉收乾晒水，而且等都唔算等好耐，鋪內亦冇咩油煙味。我建議一定要叫燒豬頸肉，惹味非常。鰻魚就太多sause, 我比較鍾意食乾身的。另外魷魚同牛肉粒都係高水準之作，反而個韮菜偏鹹~總括黎講食得好滿意，下次黎除左食，仲要試埋其他啤酒