緣聚 (已搬遷) 新店位置

今日入左元朗同朋友聚舊，佢地帶我去食放題，其實我覺得普遍既日式放題都差唔多，不過『緣聚』呢間野令我覺得比較特別。 佢地既野唔係話好好食，只係我覺得餐廳個老細比較細心，唔只考慮食物既質素，係其他方面都好花心思為顧客考慮。 我心諗好地地日式放題點解有扒据，仲有焗飯同意粉，去食自助餐都唔會走去食炒飯意粉啦，真係O左嘴，係睇到個牌寫西日放題先知有西式野食。我只係諗間野照顧埋d唔食生野既人，因為咁啱就有個fd淨係叫扒同食拉麵。壯觀的手卷什錦炸物~~件件迷你..要食多幾件先有感覺賣相唔錯~~食物質素就不過不失，但係d食物器皿就好鬼幾有心思，魚生會加d乾冰係隔離，有種好凍既感覺，其他既食物都冇乜特別，只係比較細件，啱哂d唔食得多野既人或者女仕們，大食或者男仕們就要叫多幾份先夠食喇！有種好凍既感覺！COOL!!食左都冇乜感覺既迷你壽司芝士焗蠔唔錯..不過唔夠大隻..口感唔夠！味道OK..酒味好夠~~至於服務方面真係非常之好，侍應生見到隻碟滿滿的骨頭或者唔乾淨就主動幫我地換，又有禮貌，呢D真係服務態度起碼唔會食到成肚氣~~而我最想推介就係飲品同甜品..真係好掂~~推介︰芒果布甸、木槺布甸、cheesec