紅米 (已結業)

聽聞「Red rice米飯主題餐廳」嘅金槍魚好正，所以特登黎試一試。面環境都幾大，都有好寬敞嘅卡位。環境都算整潔衛生。食物嘅選擇都有好多唔同款式，而且價錢合理唔算貴，同普通茶餐廳嘅價錢差唔多，不另加一收費。我地share咗一個晚餐「和風照燒鐵板金槍魚扒$48」配金槍魚湯同白飯，仲有1杯嘢飲，晚餐黎講價錢都算平。魚扒有兩塊，味道唔錯，唔會太有魚腥味，而且仲有炸薯角、菜、粟米等做配菜，可以夠二人份量。另外，白飯係用咗珍珠飯，所以味道香味，米質油潤。另外，我地試咗兩款唔同味道嘅雞翼，有「水牛城汁雞翼$17(3隻)同埋檸汁柚子雞翼$17。味道外脆內軟。