Sodam Chicken (已結業)

呢間食焗雞呀一流呀，但係個人蔘雞湯呢，就真係一啲都唔出色，飲落去似例湯？雞湯？冇蔘味嘅湯，除非你擺支蔘落個口咬啦。所以呢個真係唔建議叫。但佢嗰個雙重芝士定三重芝士焗雞呢，就非常非常咁好食喇！如果知道呢個咁好食就一早嗌兩份雞啦！下次想試埋佢個炸雞，佢呢個焗雞呢就唔會話好熱氣嘅，中間仲有個提子包開咗窿放啲芝士落去，好足夠俾你點晒成盤雞㗎啦，最後連個包都食得，不過個人就唔係咁鍾意食提子姐，個包甜甜地㗎，甜餐包嚟㗎，好味！環境都坐得好舒服，唔會好擠迫。