華香雞 (已結業)

平時經過灣仔都比呢個餐廳名字吸引了，終於有機會來一嚐。今次中午叫咗個深度二人套餐。可以一次過試晒白切雞同埋烏龍茶熏雞，仲有滷水拼盤，黃飯及例湯。出奇地週末的午市人流比較少，大概客源主要為上班一族。白切雞同埋烏龍雞用嘅雞應該係一樣，我猜是用清遠雞，雞肉比較大件，但口感比較韌。烏龍茶熏雞的確有煙薰嘅香味。至於白切雞就普通一點，薑蓉份量十足。滷水拼盤油豬耳，滷水蛋，豬腳，雞腎及肥豬肉。滷水味不算太濃，亦所以不會太鹹。老火湯係合掌瓜湯，味道鮮甜沒有味精。總括而言，味道尚算可以，但不太出眾，但肯定是用真材實料沒有用上味精。而整個套餐的份量比想像多我認為如果是三位女士去食亦都足夠。