華香雞 (已結業)

深度二人套餐238蚊套餐包括華茶雞半隻，鹵水拼盤 ，雞湯白菜， 另外配白飯或者黃薑飯，同埋老火湯👍🏻一黎就上左2碗湯先，超足料，係屋企的味道👍🏻主菜華茶雞好特別，即係華香雞同茶香雞雙併。朋友鍾意食華香雞多d, 覺得 嫩滑香濃，有雞味。我就鍾意茶香雞多d, 因為茶香雞既味道比較特別，係用烏龍茶薰製出黎，香濃既茶味係其他地方食唔到。鹵水拼盤超級足料！大大碟有豬手，鹵水蛋，豬耳，腩肉等材料，好豐富！連碟菜都好大碟！總結係2人餐好食又份量足，3個女仔食都無問題👍