厚興瑜記手撕雞 (卓爾廣場)

營業中

休息中

一向有去開厚興買手撕雞外賣加餸，朋友話佢唔知厚興有堂食，是日特登帶佢黎卓爾居呢間分店食。🥢花雕醉雞米粉朋友叫了醉雞，佢話成日買手撕雞，今次試下新野。賣相唔錯，雞件入味好有酒香，鮮味不澀，雞肉仲好滑，高質👍米粉大大碗，個醉雞汁太正，朋友直頭攞黎撈米粉😆🥢胡麻醬手撕雞撈烏冬自己點左胡麻醬手撕雞配冷烏冬，本身好鍾意食胡麻醬，而手撕雞鹹香有雞味，肉質爽滑彈牙，凍食都唔會結油塊。烏冬扁長形幼滑細膩，應該係用上稻庭烏冬，凍食有著爽滑口感，再配上麻醬真心正🤤🥣例湯是日係紅青蘿蔔粟米馬碲雞湯，湯頭極鮮甜又唔油膩，超正👍🥤港式泡沫咖啡另外仲加左野飲，要左樽仔咖啡，啡味幾香微甜。🥤鮮奶水晶華田仲有水晶華田，入面嘅水晶係華田凍，好滑呀，飲品本身勁重奶香，啱晒愛奶人仕，呢個都係微甜㗎。好味好味🤤唔怪得不咁多人食。