金啫の鍋 (已結業)

好耐冇食雞煲難得今日齊人一於約埋去試新餐廳！試業做緊188任食兩個鐘仲有海鮮雞煲添！海鮮有蝦、蟹、鮑魚同蟶子可以揀！我地今日就想食鮑魚！我地係食咗雞煲先！由於我地叫咗小辣，所以麻辣味唔太重，一打開蓋d香味湧哂出嚟！店員服務好好，一路幫我地煮個雞煲，等佢唔好燶！大概8分鐘後就食得喇！d雞塊煮得啱啱好，好嫰滑，好入味！店員喺我地將d雞食得差唔多就邀請我地出去玩摸蜆！我地即刻叫咗全枱最大隻手嘅朋友仔出去，雙手一次可以拎到幾多蜆就係我地嘅！朋友仔好勁，排當日第二名，有機會可以贏500蚊餐卷！第一名仲有機會贏機票！摸完蜆就到咗煮海鮮嘅時間，店員幫我地將蜆同鮑魚加上黃酒烹調，海鮮香味出晒嚟！鮑魚肉質鮮嫩！每人仲有兩隻添！蜆肉亦好鮮甜！食晒海鮮之後我哋本身諗住加湯繼續打邊爐，點知又有驚喜，店員問我地洗唔洗幫我地炒烏冬？原來店家仲準備咗烏冬同肥牛等我哋可以喺煮完海鮮之後即刻用過咁鮮味嘅汁炒烏冬！唔使問都知呢個烏冬有幾鮮幾好味！食完烏冬之後就加咗🐷骨湯打邊爐！火鍋配料選用全自助形式，鍾意食乜就攞乜，火鍋配料種類繁多有各式丸類有魚有牛柏葉有響鈴有出前一丁，數都數唔哂，仲有好多菜可以揀！食到我地飽到上心口！