柳氏家 (已結業)

沙田新城市一向食野貴，呢日行多幾層先知原來呢度都開左柳氏家之前喺荃灣食過，計埋加一先$140有得瘋狂食肉去邊搵？最正既係鐵板炒雞無限追加之餘，仲有得轉韓燒繼續食之前試過味噌蜜糖，甜甜地好惹味；今次決定挑啲小辣既烤肉味，配料有大蔥、洋蔥、金菇同青椒，睇見就知炒完出黎一定惹味十足雞肉又大又嫩，位置無乜筋同肥膏，啖啖肉，用烤肉醬醃過鹹甜適中，好香口。食雞食到差唔多就轉燒肉啦！炒雞剩係可以揀一隻味唔緊要，燒肉自助吧仲有三款口味拎，包括烤肉、柳氏辣醬同蒜香牛油另外仲有得拎開邊雞翼、秋刀魚、牛仔骨。連青口、帆立貝、蝦等海鮮都有，仲有唔少蔬菜類。100分鐘唔怕食唔飽，最怕試唔哂必食帆立貝同蝦，前者大大粒好飽滿；後者爽口彈牙，而且剝左頭，食起黎都好衛生方便。店員好熱心咁教我地可以跟返韓國人食法，由清淡到濃味順序食，層次會更豐富，愈後愈精彩傾開至知原來佢地真係有請韓國果邊過黎教授過，連醬汁呢啲細節都跟足。右邊既烤肉汁成日見，左邊既味道甜中帶微酸，店員教用黎點肉，果然更香肉味更突出烤肉一定要食豬梅頭扒（左）同牛仔骨（右），牛仔骨肥瘦均勻，好重油香，肉質好嫩，入口即化，真係唔好怕肥，必試梅頭反而走肥，口感同