麵全食

營業中

休息中

中午時段去咗金鐘送件，係回程返公司嘅途中，正係午餐時候，就去咗附近嘅餐廳午膳，係金鐘廊見到一間係食麵嘅餐廳叫麵全食，因為午饍時間，人比較多，侍應問我撘枱可以嗎，我話一支公，冇所謂，侍應俾咗一個靠邊嘅位比我，睇完餐牌後叫咗一個大胃王米線，選擇咗要原味白湯，飲品係凍檸樂，小食要咗滷水雞翼，大胃王米線嘅配料有蝦，牛丸，腩肉，牛展，墨魚丸每款有2粒或者2片，牛展都好冧，牛丸同墨魚丸都好大粒，雞翼滷得好入味，因為太肚餓，話咁快就食晒，又要趕返公司開工。