蓮香樓 (已易手) 新餐廳

香港古早味到底係乜？應該係茶樓。香港各式餐廳茶餐廳（表面上）越來越精緻，唯有蓮香樓呢類茶樓可以大膽原貌示人。星期六去幫襯，被人聲沸騰嚇親。第一次來，原來呢度要自己搵位。回歸 90 年代初一樣啊。好在職員見你企得耐都會幫下手，例如在已經 ok 逼既檯加櫈。很好，總算有位坐啦，等咗大概 15 分鐘左右。有啲遊客大概無呢個心理準備，5 分鐘就閃咗。堅持等啊！！！！坐低咗之後記得一出新點心就一擁而上喇，同場食客好戰鬥格，勁過自助餐。我哋兩個人叫咗以下呢 6 個點心，計埋茶錢（$14/位，無加一），埋單 $190。雖然唔好坐，但好抵，因為點心好好味。不推介蒸排骨，骨頭超大唔入味，雪藏感重。