影片
更多
2021-09-01
75 瀏覽
朋友之前喺Openrice book左呢間餐廳，一出上環A2站行5分鐘左右就到鋪頭，喺港島區嚟講唔算難搵。佢間鋪個門口唔係對住大街，反而係要轉彎，喺一條小巷入面先搵到正門。餐廳係一間半樓上鋪，地下果層係廚房，客人要行上一層先係食野嘅地方，一上到去已經覺得有一股浪漫嘅氣氛，主要因為佢嘅燈光偏向昏暗同柔和，加上每張餐枱都放左一盞細枱燈，客人可以因應需要而去調整所坐位置嘅燈光，都幾有情趣架~食物選擇方面唔算多，以食扒為主，我地每人各嗌左一份美國安格斯特級平鐵牛扒($118)，另加一份黑松露薯條($58)，味道嚟講：牛扒質素普通，反而薯條比我地嘅驚喜仲大，黑松露醬香味濃郁，同薯條配搭非常之夾，加上份量亦比我地想像中多，所以真心推介呢份小食！當晚係星期二晚，但間餐廳都比我想像中多人，入座率都有8成左右，足以證明呢間餐廳真係幾受歡迎嘅~如果想周末去試下嘅朋友，就要早啲book位啦，順帶一提：而家經Openrice book位，每枱可以獲贈一杯Haagen Daz雪糕，當飯後甜品都唔錯架~
食物選擇方面唔算多，以食扒為主，我地每人各嗌左一份美國安格斯特級平鐵牛扒($118)，另加一份黑松露薯條($58)，味道嚟講：牛扒質素普通，反而薯條比我地嘅驚喜仲大，黑松露醬香味濃郁，同薯條配搭非常之夾，加上份量亦比我地想像中多，所以真心推介呢份小食！
當晚係星期二晚，但間餐廳都比我想像中多人，入座率都有8成左右，足以證明呢間餐廳真係幾受歡迎嘅~如果想周末去試下嘅朋友，就要早啲book位啦，順帶一提：而家經Openrice book位，每枱可以獲贈一杯Haagen Daz雪糕，當飯後甜品都唔錯架~
美國安格斯特級平鐵牛扒
$118
10 瀏覽
0 讚好
0 留言
題外話/補充資料：
食食下途中，餐廳突然停電，我地全間餐廳嘅客人當堂O左嘴，好彩佢好快就恢復返電力，如果唔係大家就要喺漆黑之中食飯了，原本間餐廳已經夠暗架啦，停電果下直頭係黑到伸手不見五指咁，連朋友個樣都差啲睇唔清XDD
(以上食評乃用戶個人意見 , 並不代表OpenRice之觀點。)
張貼
