Wish You A Mamaday

營業中

休息中

舊店喺橋底已經成日幫襯，轉左新鋪之後，地方更大，最勁係可以上台唱歌，仲認真到可以唱唱下連煙花都放埋，真係除咗食飯飲返兩杯之外，仲可以飲嘢唱K直落。除咗飲嘢之外，呢度啲食物質素真係好高質，呢個三文魚他她，份量好多，三文魚切到細細粒再配埋牛油果，放喺脆卜卜多士上面食，真係好好味飲酒梗係要食串燒，我哋少少哋叫咗幾串，不過要讚吓佢嘅鱔魚，好肥美一啲都唔鯹，啖啖肉真係好好味。主菜三文魚意大利飯，本身以為冇乜特別，但係用火槍燒過後三文魚特別香，意大利飯竟然入邊有大量芝士，食嘅時候見到拉絲嘅畫面真係好治癒。另外牛肋條炒意粉又係出奇好食，牛肋條唔似出邊切到好厚，薄切原來咁好味，牛味好出但肉質好軟淋，配埋意粉味道濃郁，意粉軟硬度適中，今餐係味覺視覺聽覺都一晚滿足晒。