LAVA Bar & Restaurant (已結業)

約咗朋友放工食飯飲下酒，行過太子見到間環境唔錯嘅西班牙菜，價錢又唔貴所以決定同朋友走入去。•LAVA慢煮牛腩，手工包，千層腐皮 $69•必食前菜！軟身牛腩配脆卜卜腐皮，再加上鬆軟嘅手工包，咬落去有多重口感，好味到就算一個人都可以食哂一碟兩個😋•西班牙薯仔奄列 $72•厚身奄列蛋入面一層層薯仔，比想像中無咁濃味。用鐵pan上，熱辣辣，鍾情薯仔菜式嘅人唔可以錯過！•白酒煮法國青口 $128•個醬汁除咗白酒，仲加入埋牛油，一上菜就已經好鬼香。配埋檸檬汁好開胃，食完一隻又一隻。自己比較鍾意重酒味，稍嫌酒味唔喺太夠濃。•西班牙脆皮豬腩肉 $158•不過不失，豬腩肉唔算好肥膩，就算配上脆皮都唔會太過漏。醬汁較為淡口。