影片
更多
2024-04-23
21 瀏覽
餐廳位於諾士佛台附近嘅金巴利道，旺中帶靜，放咗工想同三五知己搵靜少少嘅地方chill吓，呢間Bar & Restaurant係唔錯嘅選擇，當然想好好地食返餐西餐，亦得。英倫風裝修格調令餐廳增添氛圍感，兩大打卡位：綠色漆皮長沙發配入牆書櫃、水吧後酒櫃牆，真係令人愛不釋手，我朋友都喺呢兩個位瘋狂打卡！✔️黃金炸薯條$78 同朋友食飯吹水點可以無小食？加上最近冇薯條不歡，侍應介紹係鹹蛋黃蓉炸薯條，即時心心眼叫咗份！拎上手、食落口熱辣辣又香口嘅感覺，一啲都冇令人失望！鹹蛋黃泥蓉真係錦上添花，鹹香四溢！✔️慢煮燒牛肉套餐$388➖芝士凱撒沙律用料簡簡單單：生菜、小蕃茄、Parma Ham、芝士片，勝在調味豐富，令人好開胃！➖慢煮澳洲M4燒肉眼扒配薯餅千層主角牛扒目測又厚又大塊，慢煮鎖住牛肉水份，肉質鮮嫩juicy, 牛味好香濃，朋友邊食邊點頭，係唔錯嘅！配菜搭配露荀、沙律菜，另外喺薯蓉和薯餅千層之間，揀咗侍應建議嘅薯餅千層，個口感係幾特別，做法係將切片薯仔層次分明咁疊埋一齊烤焗，好有口感。➖Mocktail-Grassy Flash+$38單點要$98 ，套餐加$38就飲到，划算好多。用茉莉花、青檸
✔️黃金炸薯條$78
同朋友食飯吹水點可以無小食？加上最近冇薯條不歡，侍應介紹係鹹蛋黃蓉炸薯條，即時心心眼叫咗份！拎上手、食落口熱辣辣又香口嘅感覺，一啲都冇令人失望！鹹蛋黃泥蓉真係錦上添花，鹹香四溢！
✔️慢煮燒牛肉套餐$388
➖芝士凱撒沙律
用料簡簡單單：生菜、小蕃茄、Parma Ham、芝士片，勝在調味豐富，令人好開胃！
➖慢煮澳洲M4燒肉眼扒配薯餅千層
主角牛扒目測又厚又大塊，慢煮鎖住牛肉水份，肉質鮮嫩juicy, 牛味好香濃，朋友邊食邊點頭，係唔錯嘅！配菜搭配露荀、沙律菜，另外喺薯蓉和薯餅千層之間，揀咗侍應建議嘅薯餅千層，個口感係幾特別，做法係將切片薯仔層次分明咁疊埋一齊烤焗，好有口感。
➖Mocktail-Grassy Flash+$38單點要$98 ，套餐加$38就飲到，划算好多。用茉莉花、青檸汁加上檸檬草調製而成，味道清新少甜，含有植物水果芳香。
✔️黑松露野菌忌廉扁意粉$158
一般扁意粉都唔會煮得偏腍，呢個扁意粉都整得幾有口感，忌廉汁裹滿粉條，加埋自己好鍾意黑松露獨特香氣，覺得整體好唔錯！
張貼
