影片
更多
2015-01-02
5544 瀏覽
諗住新年第一餐，一場落到尖沙咀，打算摞個好意頭，無謂食老麥、魚蛋粉，於是四圍行搵間正餐少少的食宵夜。點知四圍行，間間爆，第一次路經呢間見有位，咁咪入去幫襯囉。由於果時已經凌晨兩點，醒目問定侍應幾點收，佢話三點，咁OK收到哂，我就唔叫有排食的燒烤，是但叫左個餐牌寫住HKD120.00的辣海鮮湯麵，另外女朋友想食韓式壽司，餐牌係無的，問個疑似老闆娘的阿豬媽，佢話一份唔賣，要叫兩份，OK新年流流佢話點就點啦，照叫。一坐低冇耐，熱茶兩杯送上，例牌嫁啦，然後黎九小碟－係我有史以來食過最差的九小碟。之後黎個辣海鮮湯麵，冇影到相。再黎孖份韓式壽司－紫菜稔哂，餡料普通，自己响屋企整都唔會差過佢。好嘞，食物實在係太是但求其，因此無話可說，大家先睇睇張單幾錢，更好睇的內容響題外話度繼續講－埋單係HKD341.00
一坐低冇耐，熱茶兩杯送上，例牌嫁啦，然後黎九小碟－
九小碟
221 瀏覽
0 讚好
0 留言
之後黎個辣海鮮湯麵，冇影到相。
再黎孖份韓式壽司－
韓式壽司
$190
196 瀏覽
0 讚好
0 留言
好嘞，食物實在係太是但求其，因此無話可說，大家先睇睇張單幾錢，更好睇的內容響題外話度繼續講－
埋單係HKD341.00
題外話/補充資料：
如前言，我埋位之前就問左侍應，我兩點鐘入去，佢話三點鐘收，好嘞，咁我諗住得一個鐘食，什麼大堆頭二人餐，烤肉就無謂叫啦，廢事新年流流阻人收工，咁咪是但叫個麵加兩客壽司囉，合情合情啦係咪？跟住就出事嘞，我一路食，一路有客食飽鬆人，又一路有新客入黎，仲要叫燒烤喎！我心諗唔係掛，差唔多兩點半喇喎，你地仲叫燒烤？點食得切呀？三點打烊喎！
跟住犀利嘞，前文所講疑似老闆娘的阿豬媽無啦啦自動自覺放低左個外賣盒再加個膠袋，我心諗，丫韓國人真係體貼，見到我地Ｄ壽司食得慢，諗住我地會打包，真係醒目。（後來至知自己傻豬豬。）
大概二十分鐘後，另一個阿豬媽行埋黎用唔純正的廣東話講：「無檯，快Ｄ食！」嘩我兩個人食九小碟＋一個辣海鮮湯麵＋兩份韓式壽司，都未食夠一個鐘，洗唔洗趕客呀？仲有喎，你地唔係收三點咩？咁有新客你地又做？仲要係明明成間舖仲有兩張四人檯，出面冇人等位喎！咩事阿豬媽？！？！（疑似老闆娘的阿豬媽的體貼外賣盒實為無聲催客令，明哂！）
好我算，我自己行入黎我抵死我認命我埋單，一睇張單，HKD341.00。
我心算一下，九小碟例牌送的，茶都係送的，即係話條數係－
HKD341.00 減 辣海鮮湯麵 HKD120.00 * 110%（連加一即係HKD132.00） ＝ HKD209.00
咁即係話兩份爛鬼壽司只會係HKD190.00，剛好加埋一就係HKD209.00
元旦日，食個加雙甚至加三壽司又如何？又貴又難食仲要服務勁差，好，我接受現實。
返到屋企，諗一諗，唔係喎，我受得住，無謂令其他人受罪丫，不如上OPENRICE寫一寫先。點知一打開佢間舖個食評一睇，呵呵呵，原來我又傻豬豬了，大把巴打絲打早就寫左，係我冇睇就幫襯咋！
所以話：「食飯，勝在有OPENRICE；唔睇，真係好易出事。」
(以上食評乃用戶個人意見 , 並不代表OpenRice之觀點。)
張貼
