東喜茶 (已結業)

東喜茶聽就聽得多，但係飲就真係第一次。咁啱返工係銅鑼灣附近，食晏又經過登龍街，見今日竟然冇咩人排隊，所以就行咗入去試下，入到去樓底好高，裝修好靚，仲有地方俾人坐，感覺好舒服。見到我最愛嘅綠茶同紫薯都有得揀，真係諗左好耐，最後揀咗個凍既芝士奶蓋綠茶。其實都唔平，要成$43杯。不過都好大杯。一如既往，都有專係for飲芝士奶蓋嘅蓋，等你頭幾啖可以一路飲奶蓋一路飲底下啲綠茶。佢個芝士奶蓋打得好。唔會太鹹，味道啱啱好，個綠茶都好好飲，不過我就嫌唔夠綠茶味，如果再濃啲就好喇