龍鳳祥餃子館 (已結業)

星期四澳牛休息, 見隔離開左間餃子館, 鍾意食餃子既我梗系要試下啦。蕃茄蛋餃皮厚薄適中, 可惜淋左啲, 包住滿滿既蕃茄蛋, 蛋香幾濃, 仲有酸甜既蕃茄粒, 好開胃。蕃茄湯底微杰身, 蕃茄味反而唔太重, 如果酸返啲就更好。韭菜餃子好重韭菜味, 肉味鮮甜, 湯底好濃牛味, 配埋一齊食夠哂香濃惹味。豬耳好爽脆, 咬落sok sok聲, 帶麻辣既味道, 幾啱重口味既人。豆漿偏甜豆味唔太濃, 一般。呢度開左冇幾耐但系客人都唔少, 大慨系環境乾淨舒適食物價格又唔貴既關係, 鍾意食餃既人不妨試試!