大快活

營業中

休息中

今日無啱啱開張嗰時咁多客人，有位坐。不過d店員好似有d生手。某d嘢食都好快買曬，1點幾就無喇。試食呢個咕嚕肉飯，好多菠蘿。飯太硬，可能無拌煲飯。收銀處有個牌話因為壞水機，所以無熱水同凍水，點知又有水俾。咖喱飯係大快活嘅推介，咁就試下囉。咖哩香，少少辣，吉烈魚柳都香脆唔油，仲有兩塊大薯仔，蔬菜都可全食。可惜要加錢才有飲品。飯真係有d太硬，好彩有d咖哩汁撈下。食飽之後即慢慢飲杯熱水。不過都keep住有胃氣。呢個肉餅係正常嘢，不過d飯硬，差d要買碗湯撈嚟食。上次飲過杯熱奶茶好正，點知收銀處話無。去到取餐有凍奶茶，咁買啦。嘩，多奶到只有奶味，無茶味，好似飲奶咁呀！真係攪唔點，要等吓先再嚟食過 lunch。希望遲d嗰d飯會正常d，關注腸胃嘅人要留意。選擇又唔會咁快買完。