阿芳上海餛飩 (已結業)

黎依到，第一印象係因為依間鋪頭乾淨，然後有附近好少見既餛飩，仲係單一種菜肉餛飩，皮又滑又薄，個湯仲有d小蝦髦，真係有特色。另外有d整得唔錯既冷盤，有薰魚，醉轉彎(雞翼)，蒜泥白肉等，個薰魚新鮮得黎，d醬汁都幾好味，鐘意食魚既貓(好似我咁)，係好享受。但後來發覺，原來佢地d炒蛋，同厚多士，都好好食，又幾滑，唔洗去澳洲牛奶公司排長龍，都可以係依到慢慢嘆！仲有杯自製豆漿又唔太甜，都幾健康。要搬去一個較少人流既鋪位，而且又好早休息，唔做夜市，可能要保持質和量，以免過濫。p.s. 鋪頭隻貓唔知食唔食魚呢？