春田日本料理 (已結業)

我老豆好鍾意食魚生，見間野不停地獄式派單宣傳，就去試試。星期六7點幾都得六七成滿左右，都心中有數...間野開左幾個月，裝修環境都算企理，不過D檯窄到死，根本行唔倒一個人入去，個侍應仲白癡，拎住一大堆碟，食食下叫我起身借過俾佢行，你無野下話?!食魚生千祈唔好貪平，間野特價$28廿幾片三文魚，咁平都無期望，同你去百佳惠康買無分別。另外叫左個魚生刺身拼盤，一百八十幾蚊，又係百佳惠康水準。總括黎講呢間野適合要價錢平，對食物水準要求不高o既人。