影片
更多
2019-08-27
46 瀏覽
我自己其實好中意食中式既點心，但我就越來越唔中意去酒樓飲茶，因為飲茶真係越來越貴，但食物質素真係越來越差。今日經過上水彩園廣場，見到呢間中式點心既餐廳就入左去試下。餐廳企理乾淨，座位舒適，環境舒服唔錯。食物方面，首先係叉燒腸，皮好薄又滑，最緊要係唔會太乾太痴身，叉燒肉好多，好味。金錢肚份量好多，辣辣地好惹味，爽口唔痴牙，食到停唔到口。柱候牛筋腩非常值得推介，首先牛腩炆得好淋而且非常入味，牛筋好爽口，味道一流。至於胡椒咸菜豬肚不嬲都係我去飲茶必叫要，因為我好中意胡椒豬肚湯既味道，辣辣地飲完個胃會有溫暖既感覺，醒胃提神，豬肚辣辣地好爽口，必叫。最後係鵪鶉蛋燒賣，又係我另一個最愛既點心，餐廳點心即叫即蒸，所以熱辣辣好好味。下次想食點心我又有間食堂喇😊
今日經過上水彩園廣場，見到呢間中式點心既餐廳就入左去試下。
餐廳企理乾淨，座位舒適，環境舒服唔錯。
食物方面，首先係叉燒腸，皮好薄又滑，最緊要係唔會太乾太痴身，叉燒肉好多，好味。
金錢肚份量好多，辣辣地好惹味，爽口唔痴牙，食到停唔到口。
柱候牛筋腩非常值得推介，首先牛腩炆得好淋而且非常入味，牛筋好爽口，味道一流。
至於胡椒咸菜豬肚不嬲都係我去飲茶必叫要，因為我好中意胡椒豬肚湯既味道，辣辣地飲完個胃會有溫暖既感覺，醒胃提神，豬肚辣辣地好爽口，必叫。
最後係鵪鶉蛋燒賣，又係我另一個最愛既點心，餐廳點心即叫即蒸，所以熱辣辣好好味。下次想食點心我又有間食堂喇😊
張貼
