睿海御宴 (已結業)

今日同屋企人難得入到大坑，就去咗附近食飲茶食點心。上網睇咗呢間評價唔錯，餐廳嘅壁畫全部都係大坑火龍作為主題🤣 啟發左我食完飯之後去埋附近嘅火龍文化館~飲茶食點心每次都必點嘅一定係蝦餃同燒賣，鮮蝦餃王好飽滿，脹卜卜，咬落去滿滿嘅蝦膠同蝦肉😋 而燒賣更加係有隻鮑魚仔喺上面🤣呢度嘅蝦肉類點心做得幾好，鮮蝦菜苗餃蝦味都幾重，加埋清新嘅蔬菜，有加乘作用。豉汁鳳爪蒸排骨呢個相對豉汁味就會比較重，屋企人就覺得比較鹹，我自己就接受到。魚湯鮮竹卷滿足我飲湯嘅願望，魚湯入口舒服，鮮竹卷幾索湯，咬落去好多湯汁。前菜木耳好開胃👍🏻