必勝客 (已結業)

由於係美心MX食左下午茶 , 所以晚餐同屋企人去食Pizza Hut個陣揀左一個<魔蹤幻影 2 人套餐> , 用滙豐信用咭仲有專享優惠價 $222 , 真係慳得一蚊得一蚊囉。 海皇湯2客 吞拿魚煙肉腸螺絲粉 1 客 芝士咖喱點點扭扭批(大批)1個 忌廉泡芙 2 客 汽水2杯不嬲水準都Keep得唔錯 , 今次試呢個新推出既芝士咖喱點點扭扭批 , 終於特別少少啦 , 唔會再淨係得芝士味道 , 原來咖哩﹑芝士配落Pizza度係咁好食架 , 而且又唔會辣 , 芝士味唔會比咖哩味搶左個風頭 , 至於甜品忌廉泡芙都OK , 唔會係求求其其吱勁少cream夾係中間。