Loving Nature (已搬遷) 新店位置

最近食得太heavy, 真係要食番light d... 同事介紹去食呢間fushion齋舖, 果然無介紹錯! 無論餐廳既裝修、食物賣相，定個味道都好好! 烤釀大啡菇飯 - 嘩! 賣相好靚好精緻! 整到成個波咁，下層就係舖排過既飯，為免佢滾來滾去~ 講番味道，一切落去就知好juicy，個大啡菇厚厚的，水份亦都鎖番係個菇到，而表面舖左一層齋肉碎，夾埋一齊食真係好味！至於d飯就黏黏的，唔知係咪用左珍珠米。 粟米木瓜雪耳湯 - 好清甜，無落味精，滋潤一下！