黑蒜 (太古廣場) (已結業)

食lunch食到去金鐘😝成日都經過黑蒜，成日都聞到香噴噴，但係一次都未食過😱今日就黎試下，Happy Friday呀嘛。我揀左兩個餸，清湯牛筋條，配個濃茄燴雞髀菇烤麩😍份量好大呀，裝到成碗滿晒🤣個飯係雜穀飯，夠晒健康，仲有白菜仔，非常之豐富呀！個牛筋條加埋紅蘿蔔，炆到好林，又好入味，牛味香濃，個汁仲啱晒撈飯添！食下食下已經KO左半個飯。濃茄燴雞髀菇烤麩個汁酸酸地，好開胃呀。屋企平時都有整烤麩，不過係上海煮法，估唔到用鮮茄汁又夾喎，雞髀菇又爽脆，咁又撈到半個飯🤣本來滿滿嘅飯盒，食下食下就俾我食晒喇！！