影片
更多
2019-10-21
491 瀏覽
琴晚10月20號呢啲特別日子旺角太子深水埗嘅商店全部提早閂門，我呢啲屋企冇人煮飯嘅人想搵食都難，由深水埗行落太子，終於比我搵到間開門嘅餐廳，就入咗去食碗pho。呢間餐廳都幾多選擇，有小食有小菜當然唔少得越南湯粉，收費都合理嘅，唔平唔貴。另外兩個朋友就叫咗會火車頭湯河粉，我就叫咗豬頸肉湯河粉，睇落唔差，不過圖片同實物總有差別，圖片只供參考。實物到啦，呢個係豬頸肉湯河粉，事關我唔鍾意食沖同埋芫荽所以我走晒，望落雖然個湯清清地冇乜色，味道又唔差，係淡左啲，不過我寧願淡啲都唔想食味精，河粉幼身唔會太淋，豬頸肉燒得幾香，不過我就嫌佢薄咗啲同埋唔夠爽口。右上角嗰支魚露係食pho必落，唔係會碗pho會冇咗靈魂😝左上角嘅豆漿就好淡，溝得太多水，甜就唔算好甜，係冇乜豆味囉。火車頭就豐富啦，入面有牛丸，牛腩，生牛肉(餐廳用肥牛),同埋扎肉，個湯就同豬頸肉個湯一樣係d料唔同，因為餐廳用咗肥牛，所以好快就熟曬，冇嗰種啱啱熟嘅牛肉嘅滑溜感，牛丸說不上彈牙，牛腩就幾好食，因為夠淋。在帶咗個炸春卷share，炸春卷最好食，因為本身鍾意食炸嘢，同埋佢係用米子，炸出嚟特別香脆！個餡通常都係嗰啲㗎啦，蘿蔔絲木耳絲肉醉等等
呢間餐廳都幾多選擇，有小食有小菜當然唔少得越南湯粉，收費都合理嘅，唔平唔貴。
另外兩個朋友就叫咗會火車頭湯河粉，我就叫咗豬頸肉湯河粉，睇落唔差，不過圖片同實物總有差別，圖片只供參考。
實物到啦，呢個係豬頸肉湯河粉，事關我唔鍾意食沖同埋芫荽所以我走晒，望落雖然個湯清清地冇乜色，味道又唔差，係淡左啲，不過我寧願淡啲都唔想食味精，河粉幼身唔會太淋，豬頸肉燒得幾香，不過我就嫌佢薄咗啲同埋唔夠爽口。右上角嗰支魚露係食pho必落，唔係會碗pho會冇咗靈魂😝左上角嘅豆漿就好淡，溝得太多水，甜就唔算好甜，係冇乜豆味囉。
火車頭就豐富啦，入面有牛丸，牛腩，生牛肉(餐廳用肥牛),同埋扎肉，個湯就同豬頸肉個湯一樣係d料唔同，因為餐廳用咗肥牛，所以好快就熟曬，冇嗰種啱啱熟嘅牛肉嘅滑溜感，牛丸說不上彈牙，牛腩就幾好食，因為夠淋。
在帶咗個炸春卷share，炸春卷最好食，因為本身鍾意食炸嘢，同埋佢係用米子，炸出嚟特別香脆！個餡通常都係嗰啲㗎啦，蘿蔔絲木耳絲肉醉等等，味道冇乜特別，都係食佢個魚露汁最好味😝
雖然一碗湯粉接近$70係有啲貴，不過佢碗麵真係好大碗㗎，兩個人share都ok .
唯一一樣覺得唔太滿意嘅地方就係餐廳好多蚊滋，一路食麵一路比佢哋嬲住其實真係坐得唔係太舒服...張枱仲癡笠笠的，我諗係啲魚露味太重啦...衛生方面要多加注意。
張貼
