金寶冰廳

營業中

休息中

📍新蒲崗 金寶冰廳📍做嘢做到攰，諗住食個Tea！喺新蒲崗有呢一間金寶冰廳，老闆好有人情味，會同客主動傾偈。之前食過幾次，都覺得佢嘅嘢食好有，特別係奶茶。呢次嚟就嗌咗常餐，如果係下午茶時間嚟，就只係$36，可以揀蛋、餐肉、火腿等等兩餸，再加主食（雪菜肉絲通、沙嗲牛肉公仔麵等等），同埋一杯餐飲。好鍾意食佢嘅煎雙蛋，反蛋，真係可以做到蛋白脆，但係蛋黃係流心🥰🥰。佢嘅雪菜肉絲通都好好食，份量都好足。特別推介佢嘅奶茶，都係出名同埋好飲嘅！嚟食下午茶或者早餐都好抵！😆😆不過就唔好太期待環境舒服，係一般嘅茶餐廳，最緊要好食！