海港酒家

營業中

休息中

荃灣這個舊區，有好多食肆，酒樓又特別多，自己住同工作都係荃灣，所以經常出外食飯。最近突然鍾意飲茶，飲到上咗引。上個月轉咗去中染大廈健身，發覺健身室下面就係酒樓，上個禮拜就去試吓這間酒樓，去到發覺好多人等位，原來可以選搭抬同唔搭抬，由於肚餓，希望快啲有位，所以選咗搭抬；當初以為搭枱只係兩組人共用一張抬，點知原來係4組人一張，超誇張！這個大蝦燒賣，賣相麻麻，好似溶緊嘅雪糕，不過味不錯。另外叫咗個套餐，楊州炒飯加豉汁油墨菜，非常大碟，楊州炒飯同我以前食過不一樣，冇义燒粒，但有粟米粒同杞子，配搭都幾特別，米粒不硬不軟，又不油膩，味道不錯。至於油墨菜，非常大碟，豉味濃郁，不消一會，我整碟食曬，非常滿足！最後甜品係黑色流沙包，非常特別嘅賣相，我相信個包係加咗墨魚汁，所以非常黑。個包好鬆軟，奶黃甘香並流動，好滋味！最令我迷罔係唔知包面那一道金光是何物。這間酒樓嘅出品不錯，可借係坐得比較迫。