一粥麵 (長發廣場)

營業中

休息中

每日夜收工無煮飯就多數係食佢，快餐店有樣野好係選擇唔多，即係處理既野唔多，衰晒有個譜，茶餐廳就可以好飄忽，可以衰到你唔信，剩係個飯佢每次都保持到水準哩下就值得幫親，今日又有冬瓜盎喇，夏天黎就有，原隻冬瓜仔，湯就唔會太鹹，ok, 加個小菜蜜桃冰梅骨，不過不失，唔會有咩驚喜都重好過難頂，70幾蚊都唔係話平，但係唔同一般例湯既冬瓜盎就可以接受啦，加多8 蚊雞再就有個府乳通菜，不過最慘係有好多時炒個菜都可以等成半粒鐘，啲姐姐又成日都好似喺度發呆就真系有啲火滾。今日上商場時撞啱佢地派傳單有優惠，咁就慳左7蚊雞。