水門雞飯 (豉油街)

營業中

休息中

由細到大都好鍾意食海南雞或者泰式雞飯。如果係黃飯或者有味既飯我特別喜歡！今晚叫外賣時，本身諗著食炸雞，但諗諗下好似食唔晒，所以就叫呢個啦。都幾驚喜因為我係第一次叫水門雞飯（聽就聽得多），雞好嫩滑但唔會唔熟透，呢個我真心佩服！至於個通菜就不過不失，可能去到呢個月份已經唔係當造蔬菜，所以有d韌，但味道係可以的，唔會太咸或者太淡。我個人嚟講幾鍾意佢個菠蘿沙冰，因為佢真係同d frappuccino 冇分別，做到好碎，入口即溶冇咩渣。