勝面 (已結業)

目標：找尋好味嘅滷肉。今日離目標大進一步！一入勝面，目標好清晰，係食滷肉飯。餐單嘅選擇車比較少。當中有掙扎過單食滷肉飯定豐富啲嘅台式鹽酥雞滷肉飯。店舖設有每人最低消費$50，叫台式鹽酥雞滷肉飯就唔洗煩，一定過。係美食前我係外貌協會，所以一開始見openrice冇台式鹽酥雞滷肉飯嘅相會不安。鹽酥雞細細件，分量都近10件。部分炸粉有d厚，但調味唔錯，雞亦唔會乾爭爭。別人叫呢個重點可能係鹽酥雞，但我一定最重視滷肉。滷肉分量同雞一半一半佈滿飯面。滷肉唔似其他地方碎濕濕，而係大大粒腩肉。有肥有瘦，一齊食，油分又邪惡又好味。滷肉汁好似唔洗錢咁，比咗好多，甚至有啲太多。汁仲有冬菇粒，撈飯一流。食得好滿足，飽到做運動好辛苦。有一個笑點係本身張枱有一隻大木匙羹，應該係俾人食湯麵。咁我食飯一開始用咗嗰個大木羹食，好困難去食。之後個店員見到我諗住出去攞餐具，佢好主動拎隻細匙羹俾我食飯。服務分加分。但係望吓隔離枱其他人都係用大木羹食飯🤭😏