影片
更多
2015-03-01
899 瀏覽
主打分子雪糕的《Lab Made》，分店愈開愈多，不過要數近排最 hit 的，則非兩間先後於荃灣和銅鑼灣新開的 café 莫屬了。當然啦，有座位可以坐低、慢慢歎杯雪糕同飲品之餘，仲可以試埋新推出的『分子火山蛋糕』，難怪瞬即成為全城熱話。早前獲食友通風報信，知道 café 有款好滑又夠薑的薑汁好立克，嘩，一聽到「夠薑」兩字，就已經令人心癢難耐，一於晚飯後來銅鑼灣店試試。新店位於登龍街金朝陽中心二期，選址極佳，由銅鑼灣時代廣場行過嚟，只是三分鐘路程，位置果然挺方便。店子裝潢以黑色為主調，內裡分成左右兩邊 counter，一邊以售賣飲品和蛋糕為主，而另一邊當然就是 café 最售歡迎的產品分子雪糕喇！一場嚟到，無理由淨係飲杯好立克，當然也盯上令人賞心悅目的火山蛋糕。先試端上來的薑汁好立克 ($31)，原來 size 比想像中還要大杯，而且更熱辣得不停冒著煙。由於事前食友已經教路，需向店員講明要「多薑、少甜」，所以一啖入口，薑味果然勁濃，但又辣得毫不過份，加上甜度唔高，味道超正，飲完之後，熱力由喉嚨漫延至心口，簡直暖足一整個晚上。不過建議可以灑點胚芽上面，相信會令好立克味更為突出。至於有得玩又
主打分子雪糕的《Lab Made》，分店愈開愈多，不過要數近排最 hit 的，則非兩間先後於荃灣和銅鑼灣新開的 café 莫屬了。當然啦，有座位可以坐低、慢慢歎杯雪糕同飲品之餘，仲可以試埋新推出的『分子火山蛋糕』，難怪瞬即成為全城熱話。
早前獲食友通風報信，知道 café 有款好滑又夠薑的薑汁好立克，嘩，一聽到「夠薑」兩字，就已經令人心癢難耐，一於晚飯後來銅鑼灣店試試。
新店位於登龍街金朝陽中心二期，選址極佳，由銅鑼灣時代廣場行過嚟，只是三分鐘路程，位置果然挺方便。店子裝潢以黑色為主調，內裡分成左右兩邊 counter，一邊以售賣飲品和蛋糕為主，而另一邊當然就是 café 最售歡迎的產品分子雪糕喇！
一場嚟到，無理由淨係飲杯好立克，當然也盯上令人賞心悅目的火山蛋糕。先試端上來的薑汁好立克 ($31)，原來 size 比想像中還要大杯，而且更熱辣得不停冒著煙。由於事前食友已經教路，需向店員講明要「多薑、少甜」，所以一啖入口，薑味果然勁濃，但又辣得毫不過份，加上甜度唔高，味道超正，飲完之後，熱力由喉嚨漫延至心口，簡直暖足一整個晚上。不過建議可以灑點胚芽上面，相信會令好立克味更為突出。
至於有得玩又有得食的分子火山蛋糕 ($88)，其實蛋糕的外層是朱古力海綿慕絲，而內裡包著的，除咗有蛋糕之外，仲有爆炸糖同杏仁。依服務員提示，趁快於蛋糕口注入番紅花蜜糖漿，嘩，真的即時噴煙，而且還不停流出熔岩，火山爆發了！待煙霧散去後，立刻切開品嚐，蛋糕外層的 chocolate mousse 質感頗滑，味道好濃，而且甜度適中，加上岩漿有蜂蜜味，水準唔錯，唯一可惜是內層的杏仁，入口帶一股杏霜的藥味，對向來怕杏仁霜的我，的確有點受不了。
其實除咗分子火山蛋糕外，玻璃櫃裡還有另外三款蛋糕供應，分別是烤白朱古力海鹽焦糖蛋糕、紅桑子芝士蛋糕、及香蕉吉士蛋糕，售價一律 $38。見這款香蕉吉士蛋糕 ($38)，賣相小巧精緻，決定一試。原來蛋糕是以香蕉蓉、吉士醬和海綿蛋糕層疊相間炮製的，而墊底則配上一層薄薄的朱古力脆脆，造法極花心思，加上件蛋糕的香蕉味，入口濃郁甜美，就算一人獨享，亦絕無難度。
分子雪糕方面，本周口味有奶醬脆多 ($44)、早前已經試過的海鹽焦糖 ($44)、大熱回歸的紫米露 ($39)、同清新的芒果菠蘿乳酪 ($39)，估計奶醬脆多應該會幾受歡迎，口味夠創新嘛，不過筆者對奶醬向來興趣不大，還是揀較喜愛的紫米露。由於廚師在攪拌粉雪糕時添加咗紫米蓉，所以入口猶如在吃凍紫米糖水一樣，奶味濃郁兼咬感十足，像真度極高，配上粉紫色澤，的確令人再三回味。分子雪糕的幾款口味，供應期至 3 月 11，想試就要趁手了。
張貼
