糖品 (已結業)

店面細細間, 好易行過左。老闆好熱情咁介紹有咩甜品係必食既。今次叫左兩個甜品三個人SHARE食。老闆重等我地食完一款先再上等二款, 勁好人。首先食左個芒果法式杏仁酥 揀左雲尼拿雪糕。芒果唔酸 微暖的杏仁酥加埋雪糕一齊食好正。白色一舊舊果D係雲尼拿雪巴。大細剛好, 可一啖放入口。之後再叫左個朱古力火焰雪山 老闆會起你面前淋D酒落去 個雪山起火>口<呢個都好好味, 酒味會蒸發得7788, 唔怕會有太勁酒味。面且個雪山入面收埋左個木槺布丁, 成個甜品口感好有層次。