松屋 (仁信大廈)

營業中

休息中

竟然冇乜人食，要支持下小店啊！有各種抹茶甜品、蛋糕，最低消費一人一個甜品。*特製抹茶百匯 $85好澎湃！各色各樣抹茶甜品，蕨餅抹茶粉滿滿，煙煙韌韌好Q彈。抹茶啫喱動L動L，但寒天偏向無味。白玉煙韌，似湯圓嘅口感。兩球抹茶雪糕嘅抹茶味香濃，配十勝紅豆好夾。每一樣都唔會過甜，一個人KO一份都唔誇張。北海道原味梳乎厘 (自選雪糕) $62大大個梳乎厘，熱辣辣，唔會塌得好快。有蛋香又冇蛋腥，濕潤又鬆軟，配雲尼拿雪糕，一凍一熱非常配。