GUM "JENG!" X 御前上茶 (已結業)

鐵格芒果抹茶鬆餅:一黎賣相好吸引,可惜當店員倒牛奶抹茶之後就出事,牛奶抹茶撞落熱鐵板上,就瀉晒出黎,鬆餅雖然好鬆脆,不過個底有少少濃味咁,感覺麻麻地,不過個芒果雪糕就好有芒果香味,味道一D都唔假,而且甜度適中,都值得一試個芒果雪糕既.芒果雪山刨冰(抹茶雪糕):抹茶雪糕有濃郁茶味,甜度適中,唔會太苦澀,配埋芒果汁,真係不得了,好甜,芒果果肉每件同樣好香甜,無食到有酸既,值得一讚,不過個刨冰就唔多掂,唔幼細之外,仲要溶成一大舊,用匙羹翻鬆唔開,好難進食,有少少失望,下次都係只試雪糕比較好.