木糠甜品屋

營業中

休息中

收工想買飯後甜品，因為唔係即食，選擇有局限，上openrice搵！見呢間嘅木槺布甸出名，就去買，條街都幾偏僻，唔係上網都未必會入去，因為條街係車房、回收店之類嘅店舖，都唔覺有間食店，我買六個木槺布甸（$150）都幾貴，本來其中兩個買榴槤木槺布甸，不過今日無貨飯後大家一齊分享，唔知係唔係冰得耐！初時比較實，扮木槺嘅餅碎好幼細，每層忌廉好滑，又不會太甜，十足食雪榚一樣我平時就算食甜品都好少揀木槺布甸，呢次食呢個真的不錯，改變咗我對木槺布甸嘅印象！不過店內環境真的一般，又細，店內有幾枱客，廚房對出嘅枱放滿一盤盤醬汁，感覺好混亂！女店員幾細心，有提我返屋企要放冰箱，好似雪榚咁！