海記合桃坊甜品 (已結業)

同朋友喺太子附近食完晚飯，又唔係食得太飽，於是就諗住去食返個甜品，為今晚畫上一個完美嘅句號。太子附近都好多間糖水舖，行行吓就見到呢間海記合桃坊甜品，見到門口有好多人等位同買外賣，心諗呢間咁人氣嘅糖水店應該都唔差！🔥紫霞仙子 $33個底係紫米露加椰汁，係我嘅最愛冇諗到佢會比咁多粒小丸子，呢間糖水店真係有良心！仲有幾舊香芋雪米糍，個皮夠哂薄！反而兩舊生果一粒西瓜一粒哈密瓜同個糖水唔係好夾，有啲似係夾硬擺埋落去，不過唔緊要，食生果係健康嘅！