松記糖水店 (已搬遷) 新店位置

是日幫朋友慶祝生日後，大家專程由觀塘 APM 搭車出佐敦一嘗聞名已久既松記糖水~大約 9 點幾左右到達，已經見門口有十幾人排隊等候入坐。拎完飛仔後，我地等左約 15mins 就有位，之後就入去坐低揀野食~朋友講不如叫最出名的「幻彩明珠」，之後就隨便再點「琉璃之戀」同埋「哈囉」，等黎到時大家一齊 share 食~令我最印象深刻的係佢果個「琉璃之戀」，因為真係好大碗，應該係正常糖水既雙倍，所以價錢都賣得貴 d ( $30.00 )，而另外 2 個只係 $16 咋！如果想用黎做正餐都可以飽肚架，哈哈.......至於味道方面，「琉璃之戀」都係個人覺得最好食的，細細粒的珠好爽口，加上芒果醬同淡奶，真係講句︰「感覺好 fresh！」 同埋佢係 3 個入面最夠凍既~而「幻彩明珠」，就因為個人不太喜歡有0趙口的珍珠，所以唔太愛好。而今日 d 芒果同奇異果都比較酸，所以就要再扣少少分，涼粉味道又唔太夾到，所以整體上呢個我覺得味道只係一般~另外果個「哈囉」，朋友話入面既椰汁糕好好食，開始食果陣見到入面有紅豆食都幾開心，但之後到中段，可能因為已經飽既關係，見到 d 豆都感覺飽飽滯滯，好辛苦先至清碗~ 大