小甜谷 (已結業)

晚飯過後落街同老婆散散步沿住海旁一路行,行到西環尾老婆忽然間拉住我扭計話要食甜品 我抬頭一望原來已身在小甜谷對面,結果我被老婆拉左過去小甜谷 老婆睇完話ok就拉左我入去, 好少甜品店會有bar 枱, 老婆興奮到拉住我話要坐個度, 坐底之後店員送上餐牌,跟住老婆問個男店員有咩特色推介...佢介紹鎮店之寶"特濃牛乳燉蛋白"和"特濃牛乳薑汁燉蛋", 經過老婆苦惱一輪之後, 都系決定一嘗店員推介的兩款鎮店之寶在等食物的期間,老婆問我點解有咁多明星相,我就同佢講,小甜谷系谷祖琳開既,系大坑都有一間,美食好快就送到我地面前, 當然, 我地都好快將佢地消滅左 哈哈.難怪能成為鎮店之寶, 真系非常好味! 店員果然無推介錯老婆好滿足.話下次要再黎試其他美食!