浩記甜品

營業中

休息中

好耐之前嚟到呢間舊式糖水舖頭已經覺得好好味，雖然地點唔係我成日經過嘅地方，但係有陣時都會念念不忘掛住佢。今日同朋友喺附近食晚餐，咁我就諗起啦，我一定要帶佢嚟呢度食糖水。呢度嘅懷舊款式非常之多，而且味道非常之好。以前細細個嘅時候好鍾意食番薯糖水，所以之前嚟到呢間舖頭我都係專一，每一次都係叫番薯糖水。隔咗一段時間開始冇咁鍾意啦，所以今次決定嗌第二款，今次揀咗凍嘅木瓜燉雪耳清甜好味，而且啲料多到走晒出嚟。仲有呢一碗黑白就係芝麻糊加豆腐花，亦都係傳統糖水舖先有嘅特色。