滿記甜品 (朗豪坊)

營業中

休息中

旺角食完飯，覺得未夠喉又想食啲嘢，心諗不如食個糖水啦叫咗兩個糖水，第一個係榴槤白雪仙草，一嚟就見到大大嚿榴槤肉喺上面，已經心心眼😍食落口好滑好香，仙草亦都好好，唔會有種怪味，而墊底就係白雪，即係碎冰，天口㷫嘅日子食絕對會透心涼，整體好清新亦好消暑。另一個就係雪山芒果西米露小丸子，我諗雪山就係芒果雪糕😂呢個糖水食落比較平平無奇，芒果雪糕味道唔太出，西米露加咗芒果汁都好清涼好舒服，小丸子好好咬口好煙韌，但整體比較普通。兩款糖水我比較鐘意榴槤白雪仙草，食完有種「榴槤」意返嘅感覺，齒頰留香。