影片
更多
2015-09-15
212 瀏覽
朋友聚會踩完一日單車, 食埋晚飯去到甜魔魔直落糖水吹埋水甜魔魔環境幾好, 位置舒服, 不過其實糖水唔算便, around 30-50不等普通芒果紫米露都三十幾, 要更便一定有, 而且糖水唔算好有特色, 街坊口味啦, 但價錢唔太街坊一坐底用點餐紙落單, 落單前掛住同朋友吹水都唔記得寫, 大概坐左十五分鐘先叫野食但都無人催, 服務還可以!然後就叫野食, 小妹見佢賣點係"公主凍椰"同一系列的椰子產品, 除左花膠同海底椰等比較貴食材外, 其他都差唔多價, 同埋款算多, 小妹就想試下佢公主凍椰! 朋友已經係第二次黎, 佢地都推介左芒果小丸子!因為小丸子都係朋友至愛, 等左五分鐘左右就黎了!芒果小丸子睇落幾好, 做底的芒果沙冰溝得幾均勻, 唔淡又唔太甜, 當然芒果揀左熟的, 無落糖水上面扮甜,不過小妹不喜雪糕用左其他味道, 同芒果味唔夾, 而且無得俾食客揀食咩雪糕, 限死左一種小妹覺得俾人揀會好D ! 成份芒果小丸子份量唔算大, 特別小丸子唔多, 一兩啖就食哂, 小妹覺得多D小丸子, 口感一定豐富D, 其實小妹係小丸子fans, 甜魔魔的小丸子算好食, 最好的小丸子係咬落去有糯米香味, 唔應該太
甜魔魔環境幾好, 位置舒服, 不過其實糖水唔算便, around 30-50不等
普通芒果紫米露都三十幾, 要更便一定有, 而且糖水唔算好有特色, 街坊口味啦, 但價錢唔太街坊
一坐底用點餐紙落單, 落單前掛住同朋友吹水都唔記得寫, 大概坐左十五分鐘先叫野食
但都無人催, 服務還可以!然後就叫野食, 小妹見佢賣點係"公主凍椰"同一系列的椰子產品, 除左花膠同海底椰等比較貴食材外, 其他都差唔多價, 同埋款算多, 小妹就想試下佢公主凍椰! 朋友已經係第二次黎, 佢地都推介左芒果小丸子!因為小丸子都係朋友至愛, 等左五分鐘左右就黎了!
芒果小丸子睇落幾好, 做底的芒果沙冰溝得幾均勻, 唔淡又唔太甜, 當然芒果揀左熟的, 無落糖水上面扮甜,
不過小妹不喜雪糕用左其他味道, 同芒果味唔夾, 而且無得俾食客揀食咩雪糕, 限死左一種
小妹覺得俾人揀會好D ! 成份芒果小丸子份量唔算大, 特別小丸子唔多, 一兩啖就食哂, 小妹覺得多D小丸子, 口感一定豐富D, 其實小妹係小丸子fans, 甜魔魔的小丸子算好食, 最好的小丸子係咬落去有糯米香味, 唔應該太實或者太浮! 所以OK 架! 但其實可以大份D, 始終收得唔便, 而且地段係大埔, 性價比高一些或會更吸引!
而榴槤方面, 當然榴槤產品實貴, 同上唔中意佢味道突兀的雪糕.......有種9唔搭8的感覺 如果唔係咁, 榴槤溝椰汁西米露既香又滑架!
至於芒果紫米露水準正常, 紫米露的椰汁味濃味, 其實都係可以大碗些少
小妹覺得公主凍椰算係主角啦, 小妹小小失望, 因為椰子好細呀, 其實有同樣產品的糖水鋪唔係無
但甜魔魔的好似比較細, 俾人感覺唔太足料, 雖然佢餐牌寫住椰子大細佢地控制唔到,
然而小妹覺得內裡椰子汁唔太夠, 一般黎講, 要椰子汁撈佢底層椰水jelly 先係極至享受, 可惜椰汁唔夠撈, 要乾啃jelly啦, 上面 on top 的布丁OK , 香滑濃味! 整體黎講係好食但材料的平均使用要多加注意
小妹坐左兩個鐘左右, 因為朋友要吹水唔多肯走, 即使有兩次有客係舖頭前面, 員工都無趕你走, 唔錯
朋友略嫌少少貴,但睇得出糖水都俾心機做, 下次飯後直落都會揀返甜魔魔
芒果小丸子
23 瀏覽
0 讚好
0 留言
芒果紫米露
23 瀏覽
0 讚好
0 留言
張貼
