Talk 2 DeCream (已結業)

喺公司食完飯，出嚟行吓街解下悶，之前都經過呢間雪糕甜品鋪幾次，今日終於又同同事帶頭一齊嚟試吓。店舖嘅外型係粉紅色好有少女感覺，打卡一流，但我發現買嘅客人都係附近OL為主；雪糕選擇唔算多，十款唔同嘅雪糕及甜筒，外型都有特色，睇落款款都好吸引。生蜂蜜玫瑰奶杯，雪糕唔會太甜，好滑溜，有一陣淡淡的蜂蜜香味，似雲呢拿雪糕，比較高身所以溶得比較快，夏天要食得快啲。三重奏朱古力杯，感覺係特濃嘅朱古力，唔會太甜太膩，上層嘅脆脆因為比較乾身，咬落口撲撲聲，最底層有另一款嘅脆脆，比較大粒啲亦都比較軟綿綿，食落口有三重口感。