+886 台味飯桌仔 (已結業)

喺大圍嘅台味飯桌仔餐廳性價比十分高。今晚約左朋友食飯，我哋叫到成枱都係，好滿足！甜不辣口感煙韌，配少少椒鹽更加惹味。雖然係小食，但分量都唔少，厚度都有返咁上下。好抵食。涼拌黑木耳黑木耳夠爽脆，唔會過淋。涼拌汁味道好開胃，酸酸地好清爽解膩，天氣熱食佢就啱哂。珍味海蜇皮海蜇爽口彈牙，新鮮唔會出水，所以味道唔會愈食愈淡。台灣腸超慷慨嘅份量，台灣腸油份充足，食落真係超級油香，腸嘅味道夠甜甜地。台式滷大腸滷大腸滷得夠哂時間，夠入味。大腸完全無內臟腥味，每滷到色香味俱全。台南海鮮卷台南風味第一次食，炸花枝海鮮滑原來效果都幾好。無骨鹽酥雞鹽酥雞可以話係台灣菜嘅靈魂，炸到酥脆嘅雞球，配椒鹽口味，真係食台灣菜嘅一大享受。而亦無令好失望。主食紅燒牛肉拉麵牛肉嘅質地採用返適合香港人嘅心水，偏向炆得淋啲，出口即溶。牛骨湯底味道夠突出，記得唔好浪費啲蘿蔔，索哂湯底啲味好好食。招牌滷肉飯另一招牌嘢，味道同台灣地道滷肉飯一模一樣，鐘意食嘅人應該係最少食兩碗，呢個滷肉飯一定要食。