Season Oyster & Wine Bar (已結業)

陪朋友去銅鑼灣中央圖書館搵資料，講起好耐冇飯聚，今晚一於搵間餐廳聚下，附近有間Season Oyster & Wine Bar，環境同食物都唔錯，一於訂定枱食飯。焗海鮮拼盤，有芝士焗原隻龍蝦、巴馬臣芝士焗扇貝兩隻、蒜蓉翡翠螺四粒、芝士黑松露焗大蘑菇一隻。龍蝦和扇貝芝士面層程金黃色，兩者味道都鮮甜彈牙。大蘑菇肥大肉厚，菇味香濃，加左黑松露醬同芝士，配合厚大蘑菇既口感，非常美味。牛油果忌廉汁煙三文魚意粉，大大片煙三文魚好新鮮，牛油果豐腴，忌廉汁香滑，內還有不少三文魚碎肉，醬汁沾滿每條意粉，口感creamy。骨付腸，經特別調配的豬絞肉，付在雞脾骨上，之後烤焗至外皮金黃焦脆，佐酒一流！原味Sapporo 生啤有濃郁的麥芽香，冰凍好飲！