串串燒 by Season (已結業)

呢排都有飲吓清酒，得知“串串燒”清酒款式豐富，而且有串燒食，可以一邊飲清酒，一邊食串燒，真係好爽㗎！店子以木為主調， 日式裝修擺設， 燈光昏暗， 感覺猶如置身於日本的居酒屋， 非常relax！除了有40多款串燒選擇， 還有前菜，鍋物和清酒系列。日本酒選擇更多至24款，可以散叫($98/15mI)，或Free Flow任飲無限時大放送($168一位)， 鍾意飲清酒的朋友不要錯過。鶯宿梅梅酒$98 /15ml~梅味好香濃，酒味唔算strong, 好易入口。燒牛舌$38~每串有4大件，厚切， 口感柔軟帶爽彈， 牛舌味香濃。墨魚丸$15~表面燒得焦香，墨魚丸爽彈鮮甜， 頗不錯。清酒煮蜆$48~蜆唔算大隻，但都鮮甜啖啖肉， 帶淡淡的清酒香氣。蒜蓉金菇$28~ 金菇爽口彈牙 ，蒜蓉味非常濃郁，正!司牡丹山柚子酒$98/15ml~柚子味好濃，微酸，好開胃。燒菠蘿$22~ 清甜多汁， 帶微微焦香，好正！燒鰻魚$38(串)~表面燒得香脆，肉質柔軟，好味。焗海鮮軍艦( 蒜蓉＆黑松露)每客$78~ 這個海鮮軍艦 集日本廣島蠔，北海道元貝和阿根廷虎蝦於一身，好抵吃！口味有柚子醬，蒜蓉，黑松露和明太子4款選擇。