稻香訓練酒樓 (已結業)

前排家人黎過話唔錯，仲做左會員，星期日黎試下～早一日打電話訂座，講埋會員號碼，去到等五分鐘左右就有位。呢度好大好多枱，環境唔錯，都幾乾淨。炸茄子幾香脆，唔會好厚粉但有少少鹹。雞絲粉皮既芝麻醬幾香。點心應該係即叫即蒸，全部都熱辣辣，都幾快上菜。燒賣係一粒一粒咁嗌，一人一粒唔會浪費。大部分點心都幾高質，特別推介金錢肚，好香好好味，絕對可以叫多籠。食完之後上左樓上個博物館，都幾多野睇又可以影下相，呢度幾適合一家大細嚟。