影片
更多
2022-03-31
626 瀏覽
通常飲茶都係去酒樓，但就要早啲去排隊攞位，而呢類點心店其實同茶樓冇分別，所以行過路過就唔好錯過。去到門口勁多人，以為要排隊拎飛，但原來佢地叫外賣姐。可能早巿關係，又多人，樓面有小小冧檔，但員工態度都好好，坐低左一陣就幫忙清理枱面。點心方面又唔係貴，所以都叫左不同既食物。飲茶一定叫蝦餃，燒賣，正常發揮，蝦餃正常size ，但勝在皮薄同唔係一夾就穿既皮。燒賣就多料，底面都有蝦，唔係成舊肥豬肉。再叫左豬仔流心奶黃包，絕對貨真價實，係真流心，勁多料，食到流到成隻手都係，試過你就明菜苗餃就冇乜特別，蝦靚皮靚。炸芋角好耐冇食，炸到好鬆化，經典舊式點心，充滿懷舊味道春風得意腸就係腸粉入邊有啲炸兩同蝦，一啖食落去個口感幾特別，又脆又林又脆又林咁最後叫埋個鳳爪排骨籠仔蒸飯，即係荷葉蒸飯，鳳爪排骨好多料，同好大兜飯，抵食飽肚首選。值得一讚係佢間店都多人，而且佢點心上菜速度都好快，可能佢會預番人數同時間，會蒸定小小，咁就唔洗客人等太耐，但又keep到個好味道。同埋個人食法中意點心配潮式辣醬，因為好多酒樓都係辣豆瓣醬，咸到爆，而呢度又有潮式辣醬，加十分再想讚下員工真係幾好，唔會冷落客人，去親飲茶都要成日叫服務
去到門口勁多人，以為要排隊拎飛，但原來佢地叫外賣姐。可能早巿關係，又多人，樓面有小小冧檔，但員工態度都好好，坐低左一陣就幫忙清理枱面。
點心方面又唔係貴，所以都叫左不同既食物。飲茶一定叫蝦餃，燒賣，正常發揮，蝦餃正常size ，但勝在皮薄同唔係一夾就穿既皮。
燒賣就多料，底面都有蝦，唔係成舊肥豬肉。
再叫左豬仔流心奶黃包，絕對貨真價實，係真流心，勁多料，食到流到成隻手都係，試過你就明
菜苗餃就冇乜特別，蝦靚皮靚。
炸芋角好耐冇食，炸到好鬆化，經典舊式點心，充滿懷舊味道
春風得意腸就係腸粉入邊有啲炸兩同蝦，一啖食落去個口感幾特別，又脆又林又脆又林咁
最後叫埋個鳳爪排骨籠仔蒸飯，即係荷葉蒸飯，鳳爪排骨好多料，同好大兜飯，抵食飽肚首選。
值得一讚係佢間店都多人，而且佢點心上菜速度都好快，可能佢會預番人數同時間，會蒸定小小，咁就唔洗客人等太耐，但又keep到個好味道。同埋個人食法中意點心配潮式辣醬，因為好多酒樓都係辣豆瓣醬，咸到爆，而呢度又有潮式辣醬，加十分再想讚下員工真係幾好，唔會冷落客人，去親飲茶都要成日叫服務員裝水收碟等等，但呢度既員工好主動，而且做野動作都快，所以食落感覺都幾舒服
張貼
